Dolma, ənənəvi olaraq müxtəlif ət və düyü dolğuları ilə doldurulub, üzüm yarpaqlarından hazırlanmış, otlar və ya qoz-fındıqla zənginləşdirilmiş bir yeməkdir.  Adı Azərbaycan dilində ‘doldurmaq’ mənasını verən ‘dolmaq’ felindən gəlir.  Tərkibi  bölgədən bölgəyə və ilin vaxtından asılı olaraq dəyişir.  Məsələn, yay vaxtı doldurulmuş badımcan və ya pomidor da dolma sayılır.

Şəkərbura

Şəkərbura qarşısıalınmaz dərəcədə olan şirin bir xəmir yeməyidir.  Xüsusi balaca maşa istifadə edərək zərif xarici naxışlarla yarım aya bənzər formada işlənir. İçərisi üyüdülmüş badam, fındıq, qoz və şəkərlə doludur. Ən dadlı şəkərbura o qədər yumşaq olmalıdır ki, ağızda dərhal ərisin! Şəkərbura da “paxlava” kimi, çox sevilən, Novruz bayramının simvolik şirniyyatlarından biridir. Bu müddətdə ailə və dostlar onları birlikdə bişirmək üçün güclərini birləşdirirlər.

Şəkinin məşhur bu yeməyi, şəhərin işçi sinfi üçün, doyumlu olan quzu əti yeməyi kimi hazırlanmağa başlamışdır. İndi ölkə daxilində də məşhurdur, amma, buna baxmayaraq, ən orijinal piti qabı üçün mütləq Şəkiyə getməlisiniz. Noxud, şabalıd, zəfəran və yerli ədviyyatlar, yeməyə ləzzətlər qatır, lakin əsas element pitinin bişirildiyi və verildiyi saxsı qablarda olur.  Üstəlik, bu, əslində bir qabda iki yeməkdir: əvvəlcə bulyonu ayrı bir qaba töküb şorba kimi həzz alırsınız, sonra qalan hissəni əsas yemək kimi yeyirsiniz!

Ləvəngi

Məşhurluq baxımından ləvəngi Lənkəranın digər tanınmış yeməklərinin ən başında gəlir.  Üzüm, soğan və göyərti ilə birlikdə möhtəşəm bir qoz pastası ilə doldurulmuş ya toyuq, ya da balıq ilə hazırlanır.  Xəzər dənizinin yaxınlığını nəzərə alaraq, balıq ləvəngisi, Xəzər kütümü ilə edildikdə xüsusilə seçilir.  Daha da ləzzətli olması üçün ləvəngi ənənəvi təndir sobasında isti kömürlərin üstündə folqa ilə bişirilməlidir.