Qutablar ət, ispanaq, pendir və ya balqabaq kimi fərqli dolğularla doldurulmuş və "sac" adlı dəmir diskdə bişirilən bir növ “pancake”dir.  Bakıda və Abşeron bölgəsində qutablar az miqdarda əridilmiş kərə yağı ilə yağlanır, qatıq və narla verilir.  Qutablara ayrıca olaraq sumaq da vurula bilər. Onları boru kimi büküb, əl ilə yeyirlər. Azərbaycanlılar tez-tez qutabları ayran - duz və otlarla qarışdırılmış soyuq bir qatıq içkisi ilə verirlər.

Soğan, sirkə və nar şirəsi sousuna batırılmış, iri şişə vurulmuş və manqalda qızardılmış quzu parçaları -  bu hələ bir çox Azərbaycan kabab növlərindən yalnız biridir!  Bəziləri quzu və ya mal əti ilə, bəziləri  isə toyuq və ya balıq ilə hazırlanır.  Kartof, badımcan, yaşıl bibər, göbələk və pomidor kimi tərəvəzlər ümumiyyətlə əlavə dad və ləzzət əlavə edir.  "Tikə" və "lülə" kababı ən məşhur iki növdür: "tikə" basdırma edilmiş quzu hissələrindən hazırlanır, "lülə" isə şişə bükülmüş ətdən hazırlanır.

Çörəyə qarşı olan dərin hörmətimiz, səmimi və ürəkdəndir: ona and içirik və heç vaxt çölə atmırıq.  Ölkədə müxtəlif çörəklər bişirilir, ən məşhurları "təndir" və "lavaşdır".  "Təndir" yumurta sarısı ilə yağlanaraq gil sobada bişirildiyi halda, "lavaş" gofret kimi incə olur və "sacda" bişirilir.

Ləvəngi

Məşhurluq baxımından ləvəngi Lənkəranın digər tanınmış yeməklərinin ən başında gəlir.  Üzüm, soğan və göyərti ilə birlikdə möhtəşəm bir qoz pastası ilə doldurulmuş ya toyuq, ya da balıq ilə hazırlanır.  Xəzər dənizinin yaxınlığını nəzərə alaraq, balıq ləvəngisi, Xəzər kütümü ilə edildikdə xüsusilə seçilir.  Daha da ləzzətli olması üçün ləvəngi ənənəvi təndir sobasında isti kömürlərin üstündə folqa ilə bişirilməlidir.