Otlar, quru meyvələr, ət yaxud da balıq və digər yerli məhsullarla qarışdırılmış düyüdən hazırlanan plov heç vaxt cansıxıcı ola bilməyən bir yeməkdir!  Plovun müxtəlif növləri var və o hər hansı bir milli bayramda həmişə süfrədə olur.  Ən populyar növlərdən bəziləri "fişincan" (nar və qoz sousundakı çəkilmiş ət ilə), "şirin" (kişmiş və qurudulmuş ərik ilə) və yağlı lavaş çörəyi qatlarına bürünmüş "şah"dır.

Bu klassik Azərbaycan şorbası qatıq, otlar (keşniş, şüyüd və nanə) və düyüdən hazırlanmış bir qarışıqdır.  Qışda isti, yayda soyuq, bəzən bir stəkanda, bəzən də bir qabda verilən dovğa, bölgələr arasında fərqlənə bilər və xüsusi mərasimlərdə və şənliklərdə mütəmadi olaraq təklif oluna bilər.  Bu yemək vegeterianlar üçün əla seçimdir!

Azərbaycanda çay istilik və qonaqpərvərliyin sinonimidir. Ənənəyə əsasən, heç vaxt bir qonağa, evinizi, çay təklif etmədən tərk etməsinə icazə verməyin. Çay mərasimləri əsrlər boyu öz ayin və mərasimlərini əhatə edən şəkildə inkişaf etmişdir. Çayımızı "armudu" adlanan armud şəklindəki xüsusi bir stəkanda, tez-tez limon, şəkər, bal, cem, qoz-fındıq və şirniyyatlarla birlikdə veririk.  Ən məşhur olan qara çaydır.

Dadına doyulmaz və ən ləzzətli xəmir xörəyimiz, məşhur paxlava: qoz-fındıq və ya püstə ilə doldurulmuş, bal və ya şərbət ilə örtülmüş xəmir təbəqələri.  Ənənəvi olaraq Novruz tətilində "şəkərbura" və "şorqoğal" ilə birlikdə yeyilir, amma, eyni zamanda il boyu da   ləzzətlə yeyilə bilər. Paxlava, alovu simvolizə edən bir almaz formasına malikdir və bölgədən bölgəyə fərqlənir. Şirniyyatları ilə məşhur olan iki şəhər - Şəki və Qubada paxlavanın regional dəyişikliklərini sınamağınızı tövsiyə edirik.